海外破產令會影響你嘅英國🇬🇧房產?

🔹案件背景🔹

B先生👨🏻‍🦰係一名俄羅斯🇷🇺公民，佢2015年離開俄羅斯，喺倫敦Belgravia區買咗一個房產🏠 ，然後2017年定居英國🇬🇧。

2018年，由於B先生喺俄羅斯欠債超過3千萬鎊，俄羅斯法院宣布佢破產，並委任K女士🧑🏻‍🦰作為破產受托人，負責變賣B先生嘅資產抵債。

2021年，K女士向UK High Court申請要求承認「俄羅斯法院破產令」，並尋求協助變賣B先生嘅倫敦房產。

。

💡不動產規則 (Immovables Rule)

咩係Immovables Rule? 其實係UK Law一個重要原則 (Lex situs)，規定只有不動產 (土地同房產) 所在地嘅法律，先適用於該不動產。

簡單講，即係海外破產程序唔會影響英國🇬🇧不動產。

。

🔹訴訟過程🔹

High Court基於Immovables Rule，所以裁定唔能夠協助K女士🧑🏻‍🦰變賣B先生👨🏻‍🦰嘅房產。

Court Of Appeal多數法官認同High Court裁決，但其中一位法官👨🏼‍⚖️Arnold持不同意見，認為法庭根據Common Law，有酌情權去協助外國破產令。

UK Supreme Court (UKSC) 駁回上訴，確認Immovables Rule有效性同海外破產令適用性，並講明要對規則進行修改，應該經過Parliament而並非法庭。

。

🔹法定例外情況🔹

UKSC Judgment提到兩個特例，海外破產受托人係可以繞過Immovables Rule，對英國🇬🇧不動產進行變賣:

特例1️⃣

「Insolvency Act 1986 S. 426」

該海外破產程序，屬於其中一個相關國家或地區 (Relevant Country or Territory)，當中涵蓋大部份英聯邦國家，包括香港🇭🇰。

例子: Peter係香港🇭🇰商人，喺香港被宣告破產，但喺倫敦擁有高價房產。香港法院任命破產受托人處理破產事務，而受托人希望變賣Peter嘅英國房產以償還債主。

如果呢位香港破產受托人向英國法院提出申請，要求根據「Insolvency Act 1986 S.426」提供協助，英國法院好大機會承認香港嘅破產令，允許受托人接管及變賣Peter嘅英國不動產。

。

特例2️⃣

「Cross-Border Insolvency Regulations 2006」

要視乎該人士嘅「Centre of Main Interest (COMI)」喺邊個地方。

例子: Emily係台灣🇹🇼商人，喺台北同倫敦往返經商。Emily喺倫敦買咗房產，並經常喺倫敦生活及處理業務。台灣法院宣告佢破產，並任命破產受托人處理破產事務。

📍COMI in Taiwan:

如果Emily主要喺台灣生活同工作，只係偶爾去倫敦，台灣破產受托人係可以向英國法院，申請承認台灣破產程序為「外國主要程序 (Foreign Main Proceeding)」。一旦得到英國法院准許，破產受托人就可以透過特例二，接管Emily嘅英國不動產。

📍COMI in UK:

如果Emily主要喺英國生活同工作，即係主要利益中心(COMI) 並唔係台灣，咁台灣破產程序就無法被認定為「Foreign Main Proceeding」，特例二就唔適用。

。

睇返呢個case，正因為俄羅斯唔屬於英聯邦國家，加上B先生👨🏻‍🦰2015年已移居英國，佢嘅COMI喺2021年已經係英國而唔係俄羅斯，所以K女士🧑🏻‍🦰就冇辦法透過兩個特例去接管B先生嘅倫敦房產。

。

💡乜嘢係「自娛A區」⁉️

其實係屯門市鎮公園俾一班阿伯阿姐唱歌自娛嘅地方😂

新丁平時有留意開🇬🇧UK Supreme Court (UKSC) 嘅Judgment，所以希望透過「自娛A區」，用淺白語言同大家分享最新案例。