律師費💷拗到上最高法院?

今集「自娛A區」會分享一個幾獨特嘅個案，竟然連律師費💷都可以拗到上去UK Supreme Court (UKSC)🤔?

。

⚠️溫馨提示: 長文慎入⚠️

🔸案件背景🔸

M先生🧔🏼‍♂️喺2015年遭遇嚴重交通意外，當時佢搵咗O律師樓幫手做Personal Injury索償，雙方定立一個「No Win No Fee 」協議📄。根據協議，O律師樓可以喺賠償金額中，扣除相關律師費及雜項開支，而M先生就唔需要預先支付一筆律師費用。

最後，M先生嘅索償喺開庭前達成和解，得到£275,000賠償。

由於M先生已經簽咗協議，授權O律師樓喺賠償扣除相關服務費用，所以喺2019年7月，律師樓就向M先生發出最終賬單 (Interim and Final Statue Bill): £73,711.2，扣除服務費用之後，就直接將餘數發還M先生。

。

接近兩年後2021年4月，M先生🧔🏼‍♂️認為O律師樓嘅最終賬單有問題，打算作出爭議。

💡但跟據「S.70(4) Solicitors Act 1974」，該收費爭議必須要喺「Payment of the Bill」12個月內提出。

而M先已經超出時限。所以，雙方爭拗重點就變成「Payment」呢個字眼嘅定義。

。

🔸訴訟過程🔸

🔻Cost Judge: M先生敗訴❌

認為12個月時效已過，律師樓發出最終賬單時已構成付款; 但同時指出，相關賬單同通知信件係「最難理解文件之一」。

🔻High Court: M先生勝訴✅

推翻Cost Judge原判，認為雙方並冇結算協議 (Settlement of Account)，強調M先生需要先同意具體扣除金額。

🔻Court of Appeal: M先生敗訴❌

再推翻High Court裁決，認為M先生只需要同意轉賬行為，唔需要對具體金額額外發出同意；當初嘅「No Win No Fee」協議，已經有相關授權，再加上合規格賬單已經足夠。

。

🔸UKSC⚖️最終判決🔸

又再推翻Court of Appeal裁決，判定M先生🧔🏼‍♂️勝訴✅，並重新定義「Payment」完整程序應該包括:

1️⃣ 當事人收到合規格賬單

2️⃣ 有機會審視賬單內容

3️⃣ 對具體金額表示同意

就呢件事上面，M先生雖然有收到合規格賬單🧾，但UKSC認為佢冇機會審視內容，就已經被O律師樓扣除費用，而且金額被扣除前亦未得到M先生同意。

💡透過呢個裁決，可以確保當事人有機會審視同挑戰收費，防止有律師樓濫用協議授權扣款。

。

🔸新丁自娛Comment🔸

其實「No Win No Fee」或者CFA收費方式，一般只係適用於Personal Injury。而律師樓決定是否接呢類case通常有幾個考慮因素:

1️⃣ 賠償金額究竟有幾大?

Personal Injury其實規定咗「唔可以收取超過賠償金額25%」，如果索賠金額有限 (例如索賠£20,000，律師樓最多只可以收到£5,000) 七除八扣都未夠cover基本開支，當然唔會接受「No Win No Fee」basis。

。

2️⃣ 對方有冇保險賠付?

假設可以claim到對方£100,000，而對方只係個人身份，咁好大機會就算贏咗官司，都唔會收到呢個索償金額。所以，先確認對方係有insurance coverage，律師樓會更加傾向「No Win No Fee」basis。

講返M先生🧔🏼‍♂️，單靠佢一開始喺協議裏面授權，連帳單細項都唔使佢確認，就直接喺賠償金額裏面扣起律師樓服務費用，又真係太誇張😳。

。

3️⃣ Limitation (時效)

都係一個好重要嘅抗辯理由。喺英國🇬🇧，每一類申索都會有特定時限，超過咗就等同放棄申索權利。

💡例如: Contract係6年，Personal Injury係3年，Defamation (誹謗) 係1年，Judicial Review (司法覆核) 係3個月。

上述時效已經係「Limitation Act 1980」裡面清楚列明，所以如果過咗時效，爭拗點應該係「邊個時間開始計算時效」。就好似M先生個case，爭拗點再唔係12個月，而係「Payment」嘅時效從來未開始過。

。

💡乜嘢係「自娛A區」⁉️

其實係屯門市鎮公園俾一班阿伯阿姐唱歌自娛嘅地方😂

新丁平時有留意開🇬🇧UK Supreme Court (UKSC) 嘅Judgment，所以希望透過「自娛A區」，用淺白語言同大家分享最新案例。