新丁實戰手記📝真實個案分享

。

一般申請簽證時，如果要證明父母子女🧑‍🧑‍🧒‍🧒關係，出世紙 (Birth Certificate) 就係最簡單直接嘅標準文件 (唔係英文版就需要做埋翻譯)。

但其實新丁做過好多被拒簽嘅奇難雜症，今集就同大家分享部份實戰案例。

。

🔸申請人無出生證明🔸

有好多特殊case都係年長客人申請Adult Dependent Relative (ADR)；佢地一般都係中國出生，然後移居香港，所以提供唔到正式出生證明。

💡呢類客人通常會提供「民政事務處聲明」，證明返佢地同子女嘅親屬關係。

。

不過，Home Office有時都會質疑呢類declaration。我曾經處理過部分案例，Home Office認為「民政事務處聲明」唔足夠，要求提供更有力證據。咁嘅情況下，安排client進行DNA test🧬就係最終解決方案。雖然牽涉額外費用，但最起碼能夠證明血緣關係。

。

🔹監護證明實例🔹

除咗證明血緣關係，有時仲要證明監護安排 (Care Arrangement) 合法性，尤其照顧者唔係親生父母。

曾經有個case令我印象好深刻，client係一個10歲大嘅男仔👦🏻同埋佢嫲嫲🧓🏻。男仔出世後幾個月，佢爸爸就離家出走，只係偶爾提供金錢支持，嫲嫲獨力照顧男仔；到佢讀幼兒園嘅時候，連媽媽都消失埋，最後嫲嫲成為佢唯一監護人。

呢個case最大難度，就係男仔父母仍然在生，只係各自都有自己新家庭，唔再同男仔一齊生活。

。

根據「Appendix Children」規定，我地需要證明兩點:

1️⃣嫲嫲對孫仔撫養有單獨責任 (Sole Responsibility for the child’s upbringing)

2️⃣有特殊同令人信服嘅理由批核申請 (Serious and Compassionate Reasons)

為咗滿足以上要求，我地收集咗大量證據，其中包括:

▪️幼稚園同小學手冊上有嫲嫲簽名

▪️嫲嫲支付孫仔學費證明

▪️嫲嫲帶孫仔去睇醫生記錄

▪️學校信證明嫲嫲負責接送

經過詳細準備，兩嫲孫🧓🏻👦🏻嘅簽證申請最終獲得批准✅。過咗幾個月，Immigration Rules亦有修改，依家祖父母同孫仔女關係已經被Home Office認可。

。

🔸BNO Visa永居申請🔸

如果你有去過新丁嘅永居講座，可能會記得上面內容。

(附圖係講座其中兩頁相關powerpoint)

根據caseworker guidance，小朋友👦🏻👧🏻👶🏻申請永居時，父母雙方都應該同時申請，或已經獲批永居。但現實生活中，經常會有其中一方 (父或母) 因各種原因唔喺英國🇬🇧，只剩低另一方同小朋友嘅情況。

。

對於小朋友父母唔係同時申請永居，Home Office只接受以下三個特例 (Exceptions):

1️⃣其中一方父母已經去世

2️⃣其中一方父母對小朋友嘅撫養有單獨責任 (Sole Responsibility for the child’s upbringing)

3️⃣有特殊同令人信服嘅理由批核申請 (Serious and Compassionate Reasons)

其中特例2️⃣同3️⃣，同前面「嫲嫲案例」原則非常相似，需要提供足夠證據支持。

💡任何申請涉及Home Office行駛酌情權，都會非常複雜，亦需要有大量證據支持。

都係嗰句，如果申請人情況比較複雜，新丁會建議尋求合資格專業人士幫忙。