新丁實戰手記📝真實個案分享
(Sponsor Licence。僱主擔保牌照)

一般英國🇬🇧僱主需要聘請海外員工，首先要申請Sponsor Licence，由Home Office發出牌照後，根據需要給予僱員COS去申請Skilled Worker Visa (技術工人簽證)。

新丁之前有分享過Sponsor Licence嘅好處👇🏻

https://www.facebook.com/share/f5yna4AS28zC3QBQ/

。

Sponsor Licence其實喺英國脫歐之後一直都有放寬，一來英國政府希望透過工簽先挽留歐洲人才，二來亦都希望吸納全世界🌏專才。

但隨住英國政府對移民態度180度改變，新丁最近處理嘅申請越嚟越困難，其中包括要求僱主面試，同埋要求提供更多證據證明符合資格。

。

坊間有好多流傳，係咪公司規模要達到一定程度，交稅達到某個金額，先可以申請Sponsor Licence🤔⁉️

實情係，審批Sponsor Licence嘅公營機構係Home Office並唔係HMRC。成個guidance只有兩個問題想問申請人:

1️⃣ 點解申請人公司需要聘請海外員工? 點解本地勞工唔能夠滿足需要?

2️⃣ 申請人提供嘅工作崗位是否真誠?

。

另外，既然審批機構係Home Office，申請就需要針對返Home Office嘅考慮去釋除疑慮:

⚠️ 工簽員工會否無故失蹤，最後逾期居留係英國🇬🇧?

💡申請人要證明有完善人事管理系統，公司有足夠能力同硬件監管員工

⚠️ 工簽員工是否濫竽充數，欠缺相關技術同工作經驗，唔能夠貢獻英國社會?

💡申請人要蒐集員工相關證據，包括學歷同工作證明。

。

新丁由上年到今年總共處理過5個cases，托賴全部都成功批出✅。

但由今年開始，有開餐廳嘅客人曾經喺interview被問及刁鑽問題，例如係weekend嘅「翻桌率」🤯

另外，Home Office唔會允許申請人預先準備文件📄，同埋只會喺有限時間內通知申請人去進行interview。

。

講返G小姐👱，新丁幫佢嘅僱主申請Sponsor Licence，雖然有小插曲但難度唔算十分高；不過今年夏天英國政府換屆前後，真正困難終於出現。。

詳情就留待下一集Skilled Worker Visa再講🙂。