新丁實戰手記📝真實個案分享
Skilled Worker Visa。技術工人簽證

重溫上集內容:

https://www.facebook.com/share/u3gALcDKE61i73No/

。

今集就繼續分享之後G小姐申請Skilled Worker Visa嘅過程。

💡工簽申請人需要符合工資要求 (修例後大部份工種為£38,700)，英文要達B1或以上程度。

💡以下係新丁過往寫過嘅相關文章:

Skilled Worker Visa

🔗https://www.facebook.com/share/ts2xDRtdbFpJzHoG/

英國🇬🇧最缺人工種

🔗https://www.facebook.com/share/EUiSc2UkhcKZ9aaC/

Working Holiday

🔗https://www.facebook.com/share/8AuzFaEjMGjfzYAU/

。

新丁上年做過5個工作簽證申請，基本上問題不大；以前大約5星期左右就批出，但G小姐👱因為家庭關係，要延遲到今年夏季申請，結果就遇上英國🇬🇧政府對移民政策180度轉變。

申請等咗12星期都未有回覆，我先後出咗2個email追問進度。最後，G小姐突然收到通知，需要喺5日後接受Home Office面試。

。

因為政治風向變動，新丁已經有預感Home Office會要求面試；所以一路做定功課，預備定可能出現嘅問題。當G小姐收到面試通知後，新丁就用咗3日時間，同佢準備咗幾次模擬面試。

雖然G小姐👱喺工作上八面玲瓏，但面對突如其來嘅考驗，頭一兩次模擬面試都非常緊張。新丁一直鼓勵佢努力堅持，並解釋Home Office面試只有兩個目的:

1️⃣ 確認G小姐工作崗位及僱主聘請是否真誠

2️⃣ G小姐嘅履歷如何勝任工作崗位

💡一般移民官會假定崗位係「唔真誠同偽造」，而G小姐就要透過面試，去推翻呢個假定。

既然證據充分工作崗位又係真誠，只要有條理回答提問，適當時候將證據講出，就應該可以通過面試。

。

面試當日，根據G小姐👱描述係透過電話形式📲進行。移民官一開始會要求佢確認旁邊冇任何人，亦唔可以翻閱任何資料；仲特別講明如果G小姐冇跟足指示，面試就會馬上終止。

幸好，新丁同G小姐已完成過幾次模擬面試，基本上佢對相關問題同資料已經倒背如流。而且，預先知道移民官嘅假定同邏輯，就唔會被嚴厲語氣嚇怕。

。

最後，面試總共做咗2.5小時；兩星期後，G小姐終於獲批工作簽證🎉

由G小姐👱初次查詢到成功獲派簽證，剛好1年8個月，新丁終於可以鬆一口氣😌。都係果句，感謝G小姐信任同配合，先可以達到呢個成果🙏🏻

。

根據呢個case，新丁有幾個諗法:

1️⃣ 應該冇讀者會懷疑，英國🇬🇧政府趨向收緊移民政策，基本上係兩黨甚至乎整個英國社會嘅共識。問題只係，最先開刀應該係邊一個類別🤔?

2️⃣ 大家有冇睇過Sky News呢個報道? (🔗連結放留言)，當整個英國社會都以為，係橫跨英倫海峽嘅非法移民造成今日嘅問題，但其實呢類非法移民只係佔整體2.6%；真正佔大多數係Student Visa (38.4%) 同Skilled Worker Visa (39.1%)。所以，如果英國政府要開刀，應該會係率先收緊呢兩個佔比最大嘅簽證範疇。

3️⃣ 再一次證明，其實英國政府唔需要通過修例，就可以有效控制移民數量。例如批出簽證之前可以加入大量面試，或者審批條件。情況就好似新丁之前做嘅工作簽證，基本上都唔需要面試，但今年夏天G小姐👱呢個申請，就要經歷一個咁複雜嘅面試。

4️⃣ 將呢個邏輯套用落去其他簽證，包括BNO Visa，Home Office其實唔需要閂門，只需要將個門檻提高，再加緊審查同篩選，一樣可以有效控制入境人數，關鍵只係Home Office想唔想咁做。

。

⭐️後記⭐️

今次仲有一個最大收穫‼️就係G小姐👱叫先生由台灣🇹🇼寄咗成箱手信俾新丁📦

再次感謝你🙏🏻台灣的手信真的太棒了🤩👍🏻