咁樣都可以被褫奪英籍🇬🇧? (解謎篇🔍)

重溫上一個po:

https://www.facebook.com/share/1GfB6dtJY4/

。

1️⃣入籍申請究竟係Entitlement定係Granted? 即係簡單講，英藉係申請人應該享有，定係英國🇬🇧政府賦予?

呢個問題應該係跨黨派共識「British Citizenship is a Privilege, not a Right」。

💡既然入籍係英國政府能夠給予申請人最後一個考核，就算係最嚴格、門檻最高亦都好合理。

2️⃣A先生👱🏻‍♂️個case係完全不可能?

入籍申請其中一條問題，就係「申請人有冇永居英國意圖?」 (Intention to make the UK a permanent home?)

當然呢個只係YES/NO question，但申請人必須要剔YES✅，因為係其中一個入籍要求。

💡如果一個人作出咗「有意圖永久居住英國🇬🇧」聲明，但事實係佢得到英籍後，12個月內離開呢個居住地，客觀結論，就係呢個人當時作出嘅聲明係虛假或者欺騙。

。

3️⃣有咩人可以豁免呢個Intention要求?

👉🏻18歲以下申請人

👉🏻英國公民配偶 (British Spouse)

4️⃣12個月係咪一條界線?

雖然Home Office冇清楚列明，但新丁覺得12個月有機會係一條界線。

💡無獨有偶，結婚12個月內係唔可以喺英國🇬🇧做Divorce Application；即係話，12個月期限，有機會係反映英國法律對於「真正意圖」一個客觀標準。

如果你話想永久居住，但係一年內就走咗，咁你當初嘅「永久居住意圖」就好容易被質疑。

。

5️⃣有居英權人士，攞咗BC都無住過UK啦?

A先生👱🏻‍♂️嘅個案，係因為佢入籍申請時需要作出聲明，而客觀事實證明佢違反聲明，結果導致Deception。

💡所以如果born British，又或者當時居英權申請冇呢個聲明要求，就唔會出現Deception問題。

6️⃣入籍申請時，A先生有冇可能忽略咗準備對自己有利嘅證據?

好多人會覺得，既然永居都批咗，入籍申請就非常簡單，就好似「British Citizenship is my Right」⁉️

所以，新丁會覺得A先生當日申請入籍時，有可能並冇準備好「證明自己永居意圖」嘅證據。

。

7️⃣A先生會唔會留低咗對自己不利嘅證據?

呢個都係新丁另一個諗法；有網友指出，A先生有機會喺申請入籍同時，已經開始喺世界各地🌏搵緊工。

💡Home Office其實會有法律團隊嘗試蒐集證據。

我明白有好多人會有回流或者移居其他地方嘅打算，但眼見有好多人 (甚至包括知名人士)，公開咁講「攞到英籍就會馬上離開」。。

我寫呢個po嘅原意，係想建議呢類人士應該再三思考，係唔係適合喺大眾平台，留低白紙黑字嘅證據?

8️⃣點解A先生唔繼續上訴?

當同枱律師提出呢個問題，律師J👨🏽‍💼就話係client意願，佢仲提及一個人名 - Mohamed Al-Fayed。

(好在新丁有返咁上下年紀😅一聽就知道係邊個)

💡Mohamed Al-Fayed (Dodi Fayed嘅爸爸，Dodi係戴安娜王妃一同車禍喪生嘅男友)，佢最出名就係為咗自己入籍申請被Home Office拒絕兩次，而打過幾場官司。

所以律師J👨🏽‍💼意思係，就算你有錢有時間打官司，都未必會贏。。

#英籍

#Deception

#解謎篇

#入籍須知

#真人真事