LOTR成功個案分享

💡BNO Visa - Home Office 最新讓步💡

https://www.facebook.com/share/DRi7DXTFtXRNPi9y/

就起前晚揸車返屋企途中，電話突然收到Home Office email! 見到一位客人嘅名，估到應該係佢嘅Decision出咗，咁我就即刻停低車，開個email睇，結果真係呢位客人嘅LOTR成功批左🎉

。

▫️以下分享已經得到客人同意▫️

客人係日本人🇯🇵，疫情初期同先生起日本結婚，除咗旅遊以外，從來冇起香港🇭🇰或英國🇬🇧居住過。先生起英國有穩定工作，好早之前已經申請咗BNO Visa。

結婚之後，客人曾經起日本申請BNO Visa，但因為達唔到常住地要求而遭到移民局拒簽。今年年初，客人入境英國探望先生，佢係第一個留言俾新丁了解LOTR嘅人。

🔸冇咗LOTR，客人最快要等先生攞到永居身份(2026年)之後，先可以申請配偶簽證入境。但新丁明白婚姻生活，雙方絕對唔應該分隔異地幾年。

🔸就算用配偶簽證，簽證費用(£1,538)會比BNO Visa(£180)高好多。再加上去到2026年，唔知IHS會加到幾錢🧐

🔸客人嘅先生要起嚟緊12月續簽BNO，呢個位係新丁最擔心嘅，因此我準備咗大量資料，證明先生起英國有穩定工作，同埋有非常強烈嘅意願，留起英國續簽BNO Visa。

非常感謝客人嘅耐性同配合🙏🏻經過兩個月嘅工作，三份各1,400 words 嘅Statement，加埋一封3,900 words嘅Cover Letter，成功幫佢拎到LOTR🎉

。

收到呢個喜訊，公司同事都有send message嚟恭喜，而客人都有多謝新丁幫忙。但係我最想多謝嘅係 - 呢位客人對新丁嘅信任🙇

仲記得當日個post一出，收到大量負面留言，比如話LOTR已經取消咗，又話新丁唔update，拎返old news出嚟講。客人其實都有問我新規例嘅出處，然後就非常信任同配合新丁之後嘅工作。

當然希望各位明白，唔係每個case都會有圓滿結局，新丁只能夠起能力範圍內盡做。

如果大家有朋友因為Ordinary Residence正在苦惱，歡迎盡快PM我。LOTR唔係恆常規定，所以絕對係期間限定，話完就完。

#放工返屋企途中

#停低架車起避車處

#為咗睇呢個email

#其實我都好緊張😌