ADR (成年受養人) 問題探討

話說匿名者嘅媽媽👵🏻，成功申請BNO Visa - ADR。但匿名者因為工作關係，未能陪伴媽媽入境，結果喺入境英國🇬🇧嘅時候，媽媽被關員截停✋🏻，質疑佢「點解可以一個人搭飛機嚟英國?」並指出佢健康狀況冇問題，根本唔需要人照顧，同佢申請簽證嘅理由唔一樣。

。

💡ADR (成年受養人) 需要符合以下依賴性條件:

因為年齡、疾病、殘障而需要長期照顧及日常照料。

如果睇返英文原文，字眼就更苛刻 (Long-term Personal Care to Perform Everyday Tasks)。

🔎試問一個連everyday tasks，例如沖涼或進食都需要照顧嘅人，點解可以自己搭十幾個鐘長途飛機?

。

🤔咁究竟獲批Visa，係唔係保證能夠成功入境?

答案係: 唔係。

💡根據「Part 1 Immigration Rules」，基於以下三個情況，Immigration Officer係有權注銷簽證:

1️⃣申請時提供錯誤資料，或者隱瞞重要事實，無論係知情定係唔知情，書面或口頭表述都包括在內；

2️⃣批出簽證之後，Immigration Officer認為情況有變；

3️⃣有刑事紀錄或醫學理據，證明拒絕入境，符合該人士或英國最佳利益。

所以匿名者嘅媽媽👵🏻，其實係有機會觸及1️⃣同2️⃣，導致簽證被注銷。

。

而上述例子亦正好帶出一個值得深思嘅問題:

🤔BNO平權對ADR申請會有咩影響?

💡一旦BNO持有人自動獲得BC身份，佢地嘅ADR申請就會跟返BC標準，而呢個標準比現時BNO route嚴格好多。

💡以數據嚟講，2017-20年間，British Citizen申請居於海外嘅ADR嚟英國居住，申請成功率只有4% (即係100個申請，96個被拒簽❌)。

。

舉一個新丁處理過嘅個案作比較。

申請人係一位患有老人癡呆症嘅長者👴🏼，曾經因為呢個症狀同家人失散，甚至要當地警察出尋人告示搵返佢。醫學證據相當充分，有幾個專家診斷報告支持。

當時申請人嘅仔女已經係BC身份，所以用BC ADR route申請。新丁準備咗超過40份證據，包括人證同物證，加上cover letter引用接近20個case law，以人權同醫學理由支持。但最終被Home Office拒簽，理由係醫生報告冇詳細說明申請人需要邊種日常照顧。

好彩Immigration Rules其後有放寬，而申請人嘅仔女同時擁有BNO Status，可以改用BNO ADR route再次申請。新丁用返同一份資料，甚至刪減咗好多案例依據，結果成功幫老人家👴🏼批出BNO Visa。

💡呢個對比清楚顯示，相同申請人，相同醫學狀況，甚至更少嘅證據，透過BNO route就成功獲批✅，但透過BC route就被拒簽❌。

🔎如果一旦平權實施，現有BNO ADR申請人會否需要跟返BC申請人4%成功率標準?

。

其實好多家庭都係因為突發情況先需要申請ADR。新丁舉返最近幾個客人嘅例子:

客人A一家喺英國🇬🇧定居咗幾年，原本喺香港生活嘅父母尚可以互相照顧，但最近佢媽媽離開咗，所以就想申請爸爸嚟英國一齊居住。

客人B一家存款唔多，依家喺英國一邊租樓，一邊儲首期希望盡快買樓，因為租屋唔方便加裝輔助老人家嘅設備，客人B只可以將接媽媽嚟英國嘅計劃延後，直至佢有自己物業。

。

Home Office或者英國政府調整移民政策，除咗會考慮相關聯署嘅Petition，亦一定會參考前線Immigration Officer反映嘅真實情況。

從趨勢睇，如果BC ADR申請維持喺4%成功率，BNO ADR又陸續出現「現況與申請不符」個案，ADR申請標準有可能會逐步調整，向BC ADR標準靠攏。

#BNO平權

#ADR