新丁實戰手記📝真實個案分享
Overstaying by mistake。短暫逾期居留
(上集)

上集

🔗https://www.facebook.com/share/UbDzUuYyZN69VUus/?mibextid=wwXIfr

番外篇

🔗https://www.facebook.com/share/yLU7ewY1GHqA3gX8/?mibextid=wwXIfr

下集

🔗 https://www.facebook.com/share/zRpB4s99yu3LrH5B/?mibextid=wwXIfr

。

過往一年收到唔少查詢，做過幾個短暫逾期居留個案，常見原因有:

🔻客人以為2.5年係由到達英國🇬🇧當日開始計算，實際應該係由批出簽證當日起計 (E.g. BNO visa)

🔻主申請人安排續簽嘅時候，以為受養人 (Dependent) 係會自動跟住續簽，而無幫佢哋獨立申請 (E.g. Skilled Worker Visa)

。

呢種情況一般有兩個處理方法，今日會先講第一種。

💬: 只係過咗幾個星期，相比起2.5年微不足道，Home Office唔會咁不近人情掛🤔?

👨‍💼: 逗留英國🇬🇧嘅時間，超出簽證允許日期，申請人就會被視為Overstay。

💡無論時間長短，Overstay都係違反Immigration Rules，會自動跌入「Part 9: Grounds for Refusal」。

💡另外，Overstaying 如果冇合理原因，亦都有刑事責任under「S.24 Immigration Act 1971」。

。

💬: 聽人講，如果簽證到期，會有28日寬限期 (Grace Period)，即係到期後28日內申請都冇問題?

👨‍💼: 呢個係2016年11月24日之前嘅Immigration Rules。新修例除咗取消咗寬限期，亦加咗Paragraph 39E。

💡申請人如果喺Visa到期後14日內申請續簽，加上有好嘅理由(Good Reason)，Home Office先會考慮行使酌情權，撤銷呢段時間嘅逾期居留。

。

🔸真實個案分享🔸

T小姐🧑🏻‍🦰係其中一個誤會2.5年BNO Visa計算時間嘅申請人。當佢知道自己已經overstay接近一個月，就馬上申請續簽，結果被Home Office拒簽❌。

當時T小姐除咗諮詢新丁，亦有向另一所專業機構查詢。新丁嘅建係遞交新申請，再附加新證據；然而，專業機構就建議T小姐喺原有申請上做行政覆核。

💡新丁開呢個page第一個月，已經解釋過重新申請同行政覆核嘅分別:

🔗https://www.facebook.com/share/UbvD53xwAnc61H9R/?mibextid=wwXIfr

最後，T小姐聽從新丁意見，選擇咗重新申請。

。

🔹個案難點同優勢🔹

不同於半年前分享嘅H先生個案，T小姐🧑🏻‍🦰只係30出頭，擁有一定學歷同英語水平，對於佢個人大意而造成Overstay，絕對唔可以用年齡或者語文能力推搪。

。

但新丁認為呢個個案嘅強點，在於T小姐如果要離開英國🇬🇧，影響唔只佢一個人。

1️⃣ T小姐喺英國有唔錯嘅職業，定期會匯錢返香港🇭🇰俾父母做家用。而佢父母已經退休，主要靠家用同埋父親做下part-time維持生活。

如果T小姐要離開英國，相關職業好大機會唔能夠喺香港做返，咁唔單止影響佢一個人，連父母嘅生活都會大受打擊。

2️⃣ T小姐申請續簽嘅時候，除咗日頭工作繁忙，父親亦咁啱惹上官非；雖然事情唔算嚴重，但父親年紀大，T小姐要喺時差情況下，喺夜晚同香港律師保持聯絡，搞到每日得幾個鐘休息，根本冇時間處理自己嘅事務。

3️⃣ 同一時間，T小姐喺英國嘅伴侶做完小手術之後有後遺症，佢都要兼顧照顧。如果要離開英國，伴侶嘅情況都會受影響。

。

經過兩個月等候，期間Home Office仲兩次要求補交文件解釋，T小姐🧑🏻‍🦰最終獲批續簽✅。

。

🔸新丁手記🔸

1️⃣ 呢類個案明顯需要Home Office行使酌情權，豁免逾期居留紀錄。

💡任何個案，如果需要依賴Home Office行使酌情權，其實成功率並不高。

2️⃣ T小姐同H先生獲批簽證後，都有問新丁同一個問題，就係2.5年後，可唔可以如期申請永居?

💡新丁答案係: 唔建議。

因為呢段時間嘅Overstaying，已經中斷咗連續合法居留 (Continuous Residence) 嘅5年時間，加上永居申請費用係£2,885，申請被拒唔會退還申請費，所以新丁會建議5年後再申請。

。

如果有讀者需要續簽簽證，記得睇清楚到期日，喺電話set定個alarm，有需要就尋求相關專業人士諮詢。

#上集完