新丁實戰手記📝真實個案分享
🔆BNO Passport / BNO Visa / BNO Status🔆 (下集)

個案1️⃣:

Y先生👨‍🦱一家三口申請BNO Visa，因為太太有valid BNO Passport，Y先生就以Dependent Partner身份申請。結果，因為Y先生大意，只係遞交咗中文版銀行月結單，導致自己簽證被拒簽❌，相反太太同小朋友嘅簽證就獲批。

Y先生同新丁講，佢記得以前細個曾經去過旅行✈️，有申請過BNO Passport，但已經係90年代尾嘅事，本Passport已經唔見咗，亦都冇相片留底。

於是，新丁就幫佢向HMPO查詢，確認返佢有BNO Status，然後再幫佢以Status Holder身份申請簽證。

。

💬點解新丁會咁執着幫Y先生證實返BNO Status？其實係同簽證批出年期有關。

因為當時Y太太🧑嘅簽證已經批出接近半年，如果Y先生👨‍🦱用Dependent Partner身份申請BNO Visa，Home Office只會批出主申請人剩餘嘅年期，即係4.5年俾Y先生，亦即係話Y先生之後需要再續簽，俾多次Visa fee同IHS fee。

相反，如果佢以Status Holder身份申請，就可以獲得完整五年Visa，慳返之後嘅續簽費用。

💡不過，隨住今年Home Office修例，Dependent Partner同ADR都會獲批一個完整年期，唔再係之前咁同主申請人剩餘年期睇齊。

。

個案2️⃣:

H小姐👩🏻‍🦰係英國公民 (British Citizen, BC)，居住英國🇬🇧已經超過10年。眼見留喺香港嘅媽媽🧓🏼年事已高，H小姐就想申請媽媽嚟英國居住並照顧佢。

💡睇返2017 - 2020年間嘅數據，如果唔係靠BNO Visa申請ADR，而係靠「依親係永居或者英國公民 (BC)」身份去申請，成功率只係得4%，即係96%都會被拒簽‼️

。

當時接呢個case係2023年，新丁用咗好長時間去做legal research，甚至apply超過20個類似case law。結果五個月後，H小姐媽媽🧓🏼嘅ADR申請被拒簽❌。

💡正常嚟講，下一步可以做嘅就係上訴 (Appeal) 到法院，由法官去做決定。而一般法官作為中立個體，通常批出機率會比Home Office高。

💡但根據Home Office 4月10號嘅新修例，BC如果擁有BNO Status，亦都可以用BNO route去申請Visa。

咁啱，H小姐👩🏻‍🦰十幾年前嚟英國工作都係用BNO Passport。經過新丁詳細分析之後，佢哋都一致同意放棄原來嘅上訴機會，直接轉為用BNO Visa申請ADR，最後成功獲批簽證✅。

新丁感謝H小姐同家人信任🙏🏻順利達成最終目標。