新丁實戰手記📝真實個案分享
🔆親子關係。收養子女🔆 (下集)
(Proof of Relationship - Adoptive Parents)

🔹領養法例🔹

英國🇬🇧同香港🇭🇰一樣，法律上係唔可以領養滿18歲成年人；相反喺日本🇯🇵，由日本公民去領養成年人係合法嘅。

由於D先生👨🏻領養C小姐👱🏻‍♀️喺英國會被視為不合法，新丁擔心呢個領養安排喺英國嘅認受性。

🔹領養時機🔹

由於領養時間同申請Visa只係相差幾個月，所以Home Office有機會會認為呢個領養唔真誠，只係為咗申請Visa而安排。

。

🔹父女關係🔹

因為知道Home Office會對呢個領養有懷疑，所有新丁準備咗大量證據去推翻假定。

首先，D先生👨🏻同M女士👩🏻已拍拖多年，所以C小姐👱🏻‍♀️好細個已經認識D先生；當C小姐喺日本升讀大學，D先生除咗提供經濟支持同住宿，亦會盡爸爸責任，例如每次C小姐出夜街，佢都會喺車站接送。

🔹領養動機🔹

D先生同M女士都有提供證據📑，證明領養動機並非為咗申請簽證，而係佢地有位朋友曾經有類似情況，因為冇處理好領養姪仔嘅文件，導致姪仔未能承繼遺產。

另外，D先生同M女士有提供到兩位嘅人壽保險記錄，證明已經將C小姐轉成受益人。

。

等咗三個月後，新丁同客人就收到Home Office第一次提問💬「D先生👨🏻同M女士👩🏻嘅婚姻關係是否真誠?」

喺日本🇯🇵，結婚之後係唔會收到結婚證書，通常要去當地民政機構申請住戶登記作為證明。得到客人配合，新丁除咗遞交咗呢個證據，仲補交埋佢地結婚當日嘅相片同邀請卡。

。

Home Office 第二次提問💬

「點解M女士唔登記成為領養母親?」

收到呢個問題，新丁都有少少冷汗😥。因為M女士作為姨媽，從小就照顧C小姐，長期提供經濟資助以及監護，理論上應該比D先生更適合作為領養父母。

好在，客人充分配合，M女士專登去咗日本地方官方機構，尋求佢哋嘅解釋。官方回覆係，根據日本法例，只有日本公民符合特定條件，先可以領養成年人，所以M女士並唔合資格作出收養。

最重要係，新丁發現Home Office andcase worker混淆咗相關細則。

💡BNO household member，即係所謂BNO二代，除咗可以係BNO status holder嘅直屬子女，亦都包括配偶嘅直屬子女。

所以只要D先生同C小姐嘅領養子女關係成立，就唔需要M女士同C小姐都有確立子女關係。

。

經過四個月等待，三位客人👩🏻👨🏻👱🏻‍♀️最終都順利獲批簽證✅✅✅。最記得M女士收到喜訊第一個反應係「We made a good team!」

#多謝你地嘅信任同配合

#LandmarkCase