新丁實戰手記📝真實個案分享
🔆小小失誤帶來嚴重後果🔆 (上集)
尋日同大家分享過，新丁註冊成為律師嗰陣，漏報parking ticket而令到上牌被延誤。。
參考link:
🔗https://www.facebook.com/share/p/14KQe3DGfE2/?mibextid=wwXIfr
客人A太太👩🦰都有類似失誤，為佢帶嚟一連串影響。。
。
🔹背景🔹
A太太係香港🇭🇰專業人士，同A先生有兩個仔，分別9歲同5歲。A太太年輕時喺澳洲🇦🇺讀書，曾經因為唔適應，冇上堂一段時間返咗香港。
放咗一個短暫假期，A太太決定返澳洲申請轉學科；但入境嘅時候，竟然被border officer截停✋🏻，話佢違反學生簽證規定 (缺席課堂)，所以簽證被註銷‼️
當時Immigration Officer仲話，相關規定會維持三年，即係三年內A太太唔可以再入境澳洲❌。
咁啱三年後，A太太參加妹妹喺澳洲嘅畢業典禮👩🎓。佢透過顧問公司申請簽證，顧問話佢嘅「被拒入境規定」有效期只係三年，所以之後唔需要再申報。結果，A太太就順利獲批簽證再次入境澳洲。
。
🔹申請加拿大🇨🇦OWP簽證🔹
A太太👩🦰返到香港之後，事業穩 步向上，但為咗提供更好學習環境俾兩個小朋友，就同A先生一齊申請移居加拿大🇨🇦。
顧問公司曾經確認A太太嘅簽證注銷已經完結，唔需要作出申報，加上佢因公務經常周圍飛✈️，多年來申請過唔同國家嘅簽證都冇問題，所以申請加拿大簽證嘅時候，A太太就冇提及曾經喺澳洲被注銷簽證。
經過漫長等待，加拿大移民局以A太太冇作出相關申報而拒批簽證，判定佢五年內不得入境加拿大。A太太申請覆核結果，但都係失敗。
。
🔹加拿大律師建議🔹
A太太諮詢加拿大當地律師，佢地建議A太太申請司法覆核(Judicial Review)，並指出佢冇牽涉刑事紀錄，純粹係一個小失誤，勝訴機會率好高。
另一個漫長等待之後， A太太收到判詞，確定佢司法覆核敗訴❌，法官👨🏼⚖️認為佢未有作出完整披露 (Full Disclosure)。
敗訴之後，律師同A太太講，因為佢唔能夠獲批加拿大簽證，所以會影響到A先生以及兩個仔嘅永居申請。現階段唯一建議，就係A太太同A先生離婚，等佢地三個可以先申請永居。
由於A太太唔能夠入境加拿大，兩個仔又早已適應英語學習環境，似乎轉場英國🇬🇧成為佢地唯一希望。但經過喺加拿大嘅漫長司法程序，A太太好擔心non-disclosure問題會影響BNO Visa申請。
。
N年前曾經缺席課堂，竟然會搞到咁複雜? 新丁點樣先可以幫到A太太👩🦰家庭團聚?
#待續