保釋大案▪️上集▪️
件事發生起兩星期前嘅星期日。。夜晚七點，老細急call📲問我起唔起電腦旁邊，有冇辦法即刻整張授權信 (Letter of Authority) 俾個客🙎♂️。通常老細起呢D時間打嚟，都應該係保釋 case。。
新丁拿拿臨整好封授權信之後，就去咗食晚飯。
到咗11點，新丁飲咗杯whisky🥃，準備瞓個好覺第二日返工，點知老細再急call📲問我可唔可以幫個客🙎♂️錄埋口供。新丁當然有問可唔可以等到聽日先啦，但老細話個客🙎♂️已經收到遣返通知書 (Removal Notice)，通知佢七日後要上機✈️😳。。
。
首先要起度講解下Removal Notice嘅威力。新丁曾經幫一對堂兄弟搞保釋，兩個人係同時間進入移民遣返中心。新丁係負責堂哥嘅case，而堂弟就由另一位同事負責。
新丁接手嘅時間，已經係堂兄弟被拘留第二日，通常呢類保釋個案，都有「黃金72小時」新丁要做嘅，就係起移民局發出遣返通知書 (Removal Notice) 之前，遞交到保釋申請，同埋一大堆文件📑📑證明保釋原因。
堂哥好合作，快快手簽好授權信同埋配合新丁落口供，等我可以盡快將個保釋申請同埋原因send俾移民局。但相反，堂弟就慢吞吞，文件又簽唔齊🤦🏻♂️好記得新丁做晒成個submission嘅同日下午，堂弟就收到遣返通知書(Removal Notice)，成個case嘅難度馬上增加咗10倍🫠
所以到最後，堂哥好快就批咗保釋，但堂弟就需要被遣返到原來國家。
。
講返一開波嗰位客人🙎♂️其實佢收到Removal Notice七日後要上機，時間已經好緊迫。新丁需要做嘅，首先就係將遣返通知書踢甩，仲要再申請埋保釋，計返只有五個工 作日，完全唔夠時間😮💨
雖然新丁飲咗杯whisky🥃🥱，但係冇辦法嘅情況下，都要起星期日晚11點，幫個客🙍♂️落口供直到凌晨12點。但其實距離佢被遣返上飛機，就只係剩返六日時間。。。(待續)
#ImmigrationRemovalCentre
#Bail
#逾期居留
#Overstay