第一單🇬🇧刑事案 (下集)

上集講到，事主N先生🧑‍🦱因為牽涉一單刑事案件，需要每個月去警署報到。最近一次去續保，唔單止冇被放寬保釋條件，仲被懷疑有潛逃風險，被警方沒收埋旅遊證件。。

重溫上集內容:

。

⚠️新丁曾經分享過，如果居留🇬🇧期間有任何刑事紀錄，對於續簽或者申請永居會有好大影響。因為任何刑事紀錄都必須要申報，而且係英國嘅刑事紀錄，更加會有詳盡資料⚠️

所以當N先生🧑‍🦱被沒收護照，佢其實已經打定輸數，認為之後冇可能申請永居。

但新丁有同佢分析，既然已經保釋報到咗七個月，冇理由仲未有上庭(Court Hearing)日期。換句話講，警方👮🏻‍♂️應該未有足夠證據落charge。

#係時候改變策略

新丁嘗試要求警方👮🏻‍♂️盡快回覆上庭日期，而唔係一直拖延；因為如果真係要上庭，N先生🧑‍🦱都可以搵唔同證人為佢嘅行為及人格作證。

另一方面，老細都有講，當N先生請咗Private Hire嘅法律代表，而唔係用免費當值律師，檢控好多時都會較小心處理，確保真係夠做先至上庭。

。

新丁後面亦有同警察交代，因為保釋條件，N先生🧑‍🦱唔能夠返自己住所，邏輯上對社區、唔同家庭係會造成更大潛在風險。

另外，由於N先生只能夠寄居朋友屋企，對朋友嘅家庭造成不便。其次，佢唔能夠有穩定工作，缺乏收入而影響生活。最重要係，呢件事已經持續咗七個月，令N先生有極大焦慮同埋心理困擾。

。

就係第八個月，N先生🧑‍🦱再去警署報到，終於收到當值警察👮🏻‍♂️通知「NFA Decision = No Further Action。」簡單講，即係警方決定Drop Charge，不提起訴👏🏻👏🏻N先生當然非常開心，最重要係唔會影響之後申請永居‼️

當初新丁都有同N先生講，最好嘅結局就係Drop Charge唔起訴。如果真係要去Court Hearing，就要考慮證據強弱，再去選擇Plea Guilty(認罪)定係Defence(抗辯)。但如果去到呢一步，N先生就可能要付出好大代價。

#總算完成任務

#由接手到完成歷時三個月