🏢住Apartment奇異經歷。偷車

上回講到，新丁曾經試過俾人起屋外面偷單車🚲今次就同大家講下，我地連車都俾人偷過，最後失而復得嘅神奇經歴。。

重溫上集內容:

件事仲要發生起搬屋之前，新丁朝早起身望出窗外，就發現架車不翼而飛😱 當時第一時間就係打電話報警! 警察叔叔循例問我攞資料，講事發經過，但都直接同我講，搵番機會係接近0️⃣🫠

同日零晨12點，新丁瞓唔着碌緊電話，突然收到警察叔叔來電，問我係咪已經搵返架車⁉️ (緊係未啦，我仲起度碌緊二手車網) 原來CCTV影到我架車起街上面行緊😳 再過咗半個鐘，就收到電話話搵到我架車，仲捉到兩個賊😱

零晨1點，警察叔叔上門落口供。我問番佢成個過程，原來佢地巡邏嘅時候，見到前面架車行到好奇怪，於是想截停佢，架車就即刻逃走 (好似仲追逐咗幾條街，但因為個前轆已被撞壞，所以逃走唔到) 最後就被截停，然後就發現係我架失車😳

當晚，我落口供落咗成粒鐘，一共十幾頁紙，內容非常詳盡；而第二日我去攞返架車，就發現除咗前轆之外，仲有幾個位置損壞咗，好彩屋企附近有間相熟車房，擺低幾百 £ £ £ 都叫做整得返💸

有詳細口供，加埋維修單據，唸住可以告兩個賊Theft，同埋Criminal Damage，起碼要賠返整車錢俾我😤 點知過咗一個月後，再收到警察叔叔電話，兩個賊竟然堅稱架車係自己買嘅，唔係偷，佢地都係受害人。。🤬

#最後警察叔叔CloseCase

#所以攞唔到任何賠償

#但收到四張BusLaneTickets