家暴 Domestic Abuse (第一集)

陳生陳太一家三口👨‍👩‍👧兩年前移居英國🇬🇧，一直關係融洽。最近陳生不幸被公司裁員，令佢喺屋企時間多咗，同太太嘅磨擦都日益增加。

有一晚，陳生陳太因為小事喺廚房嘈交🗣️

陳太情緒激動，除咗發脾氣將碗碟掟落地下，仲拎住廚房鉸剪✂️當武器。陳生擔心陳太混亂間會鎅親自己，就上前制止太太。而佢哋個女亦都在場，但就被父母嚇親，失控大喊。

隔離鄰居聽到咁嘈，於是乎報警求助📲

。

過咗一陣警察👮🏻‍♂️👮🏻‍♀️嚟到現場，當時兩口子已經和好，件事亦都平息咗。陳生被警察問到剛才發生咩事，於是就話自己係同太太發生咗啲爭執，但事情已經告一段落。

陳太擔心警察唔相信先生，仲走上前想佐證先生嘅講法。但呢個時候，警察留意到陳太手腕有鉸剪劃破嘅傷口🩸就提出可唔可以 #入屋 睇吓👀，確認所有家庭成員安全。

陳生覺得既然事情已經完結，佢可以向警察表示清白，就同意俾佢地入屋。

警察👮🏻‍♂️👮🏻‍♀️入到客廳，發現有幾支空酒樽喺枱面，同時廚房地下又有碗碟碎片未清理。最後，陳生就被帶走返去警署問話。

。

睇到呢度，各位讀者覺得陳生嘅做法正確嗎?

佢又會唔會面臨乜嘢法律後果呢?

欲知後事如何，請看下回分解🙂