拎錯車飛用。分分鐘會被告詐騙?😨

A小姐嘅奶奶🧓🏻一個月前到訪London，住起A小姐同老公屋企一星期。某日，A小姐急住出門，隨手拎錯咗奶奶嘅老人pass，點知去到Tube入閘口就俾職員截住，話佢盜用他人身份😳第二日仲收到Transport for London (TfL) Enforcement Team發出嘅信件。。

。

其實律師樓之前都接過類似嘅case，因為當事人一開始處理不當，結果要面臨刑事檢控，被控告詐騙 (Fraud)。

💡任何人一旦有任何不良或者刑事紀錄，對將來轉換簽證會帶來極大麻煩‼️

好彩A小姐👱‍♀️起事發後第二日，即刻聯絡新丁。當我解釋完刑事紀錄有機會帶來嘅影響，A小姐就二話不說繳交罰款，同埋希望求情後唔會有任何記錄留低。

新丁要做嘅，就係蒐集相關證據，證明A小姐嘅說法。另外透過佢嘅口供💬詳細講述返當日事發經過，點解會唔小心拎錯奶奶嘅pass。

當然，新丁亦都有準備律師信，就住A小姐學業背景、將來前途、以及留有紀錄會為佢轉換簽證帶嚟重大負面影響，去為佢求情。

。

三星期後，新丁終於收到TfL回覆。信裡面有講明，TfL係有足夠證據檢控A小姐👱‍♀️，佢係有機會面臨最高£1,000罰款，同監禁一年。但係TfL考慮晒所有證據，最終決定撤銷對A小姐作出檢控，只會保留相關警告記錄12個月。當知道TfL已經撤銷指控，A小姐同新丁都鬆一口氣😮‍💨

新丁亦都建議各位讀者，如果有發生類似情況，應該第一時間尋求專業人士協助。

#londonunderground