壹號皇庭⚖️ (第一話)。悲劇人生

退役返英國之後，Wigan周不時會回憶起戰場上嘅畫面。為咗減輕心靈痛楚，佢一開始用酒精🥃麻醉自己，之後再轉成毒品，例如大麻甚至海洛英。最後因為毒癮而耗盡家財，間中要透過盜竊去買毒品。

。

▪️事發背景▪️

幾年前一個夜晚凌晨兩點，Wigan跟住兩個朋友潛入一間未入伙嘅吉屋偷裝修器材。準備逃走嘅時候，驚動咗隔離鄰居Barnes。

Barnes係50幾歲嘅爸爸，因為糖尿病左腳被截肢。當晚佢見到隔離間吉屋有燈光💡，就出去前門睇下。

。

▪️事發經過▪️

當Barnes去到前門，就撞正三人準備逃走，仲同佢地嘅「首領」發生肢體衝突，混亂中被搶走車匙🔑。三人包括Wigan就立即跳上Barnes架車，準備逃跑。

「首領」上車後想踩油加速離開，但因為Barnes係傷殘人士，所以佢架車係經過特別改裝，只有一個加速腳踏 (就係正常車嘅剎車掣)。

Barnes擋喺車頭諗住阻止🖐🏻佢地離開；「首領」原本想剎車，結果就變成加速將Barnes撞開。警察👮🏻‍♂️到場之後，Barnes好快就傷重不治。

。

▪️拘捕▪️

第二日下午，警察就喺醫院🏥拘捕Wigan (之後講返點解佢會喺醫院)。

因為事發時間係凌晨兩點，冇其他目擊證人，警察認為Wigan所謂一行三人只係片面之詞，於是就落案控告佢搶劫罪 (Robbery) 以及謀殺罪 (Murder)。

。

新丁曾經喺羈留室見過Wigan兩次，傾偈時間覺得佢有種Big Brother feel，直率但係有少少魯莽。

從我師傅口中得知，其實佢認識Wigan已經超過10年，曾經幫Wigan嘅藏毒或者盜竊罪做過刑事辯護或求情，所以唔相信佢會搶劫甚至謀殺。

。

面對控罪，Wigan當然選擇唔認罪，畢竟如果謀殺罪成係要終身監禁。

想知法庭聆訊過程係點? 下集再講。

#刑事

#CriminalCase