第十集。最終章👨‍💼

新丁之前已經順利達成嚟英國🇬🇧其中一個小目標 - 正式註冊成為England and Wales律師👨‍💼。

。

有少少老土，但都想多謝返以下嘅人🙂

首先當然係長期支持嘅讀者🙏🏻每次睇到大家留言同分享，都俾我好大鼓勵。

我認為要理解複雜法律概念，最佳方法係透過解釋真實例子，將資料轉化成淺白易明文字，分享俾各位讀者。

呢個過程令我加深對相關法律嘅理解，亦可以令各位讀者了解日常生活中嘅UK🇬🇧Law。

當然，有部分題材例如「自娛A區」真係悶到抽筋😂，純粹for個人自high😂，新丁要感謝各位讀者嘅包容。

。

另外，特別多謝曾經PM我嘅讀者🙏🏻

呢兩年每日都收到唔少查詢 (Immigration、Criminal、Land Law等各式各樣法律範疇)，每一個inquiry我都會認真研究🧐，無形中推動我不斷做legal research。

另一方面當我準備考written assessments，都會將呢類查詢當做訓練題目 (legal research，drafting同legal writing)；各位PM查詢某程度上係幫咗我準備考試。

。

最後亦都係最重要，就係多謝我所有clients🙏🏻能夠得到大家信任係我最大嘅榮幸。

我明白，要將重要法律事務交託俾任何人，係深思熟慮嘅決定。雖然我唔能夠保證每次都有滿意結果，但我希望做到全程陪伴每一個client，盡我能力提供協助。

你地嘅信任，係我不斷精益求精嘅動力。每個case都令我學習同成長，從而可以更好服務下一個client。

。

呢條「成Law之路」絕對係漫長而艱辛，但係有大家陪伴，令到成個旅程都變得更有意義。

無論你係新丁嘅讀者、曾經PM查詢過、定係我嘅clients，你地都係我「成Law之路」途中，不可或缺嘅一部份。

希望我嘅故事能夠為你帶嚟娛樂，又或者提供一D啟發。期待繼續同大家分享更多法律見解同生活趣事😃。

#仲要繼續努力

#仲有其他目標等緊我