第八集。考試考試再考試🧠

兩年前考完第一個公開試之後，新丁就努力搵工，機緣巧合下仲突然搬埋去Leicester:

🔗https://www.facebook.com/share/1FUzkU66xc/

。

返咗一段時間工，我覺得係時候考埋第二個公開試。

呢個試一共要考1️⃣4️⃣份Written Assessments➕4️⃣份Oral Assessments，內容勁廣泛 (包含大部份法律範疇)，考試模式亦都係模擬返真實情況。

為咗準備Oral Assessment，新丁出動咗秘密武器 - 新丁太😌，幾個月嚟不斷同佢模擬演練，有時佢要扮客人，有時要扮法官，我就慢慢開始掌握到考試節奏。

。

其中一個比較深印象嘅Oral Assessment，就係個考官假扮成買樓客人，我要透過20分鐘對談，攞到佢基本資料同埋了解佢嘅困難。

好記得當日個考官黑晒面翹住腳，好似鬧情緒咁款，把口仲撬極都唔開🤐 (其實駛唔駛咁入戲😑)，我要不停旁敲側擊，先明白到佢嘅問題。

。

仲有另一個係Criminal Law口試，新丁竟然可以扮主控官，向考官扮演嘅法官提出證據，去拒絕一個被告嘅保釋申請。

我諗應該係我人生唯一一次，亦都係最後一次做到CPS Prosecutor🤭。

。

喺正式開考前，每10個考生會被分為一組，由報到直至考試要等成4粒鐘。。

大部份考生年輕過新丁好多，當大家等緊嘅時候都超輕鬆狂吹水，得我一個扮勤力繼續睇notes溫書📚

後來聽到佢地話，考試費用係由律師樓全額贊助😳唔怪之得啦。。只可惜，呢D機會從來都唔屬於我🤷‍♂️