第二集。同學篇🧑🏻🦱 (上集)
上一篇提到，新丁人到中年再重返校園進修，機緣巧合讀咗個Postgraduate Diploma in Law課程。
上集回顧:
🔗 https://www.facebook.com/share/16KRAW2gZE/
。
成個course為期一年，要完成8️⃣科必修科➕1️⃣科選修科，可想而知有幾緊湊；基本上每日都係日出🌅返學，喺課室睇住日落🌅，返到屋企就係溫書同做功課。
不過新丁好幸運，喺學校遇上🇬🇧第一個貴人。
。
開學第一日，等緊入lecture room，目測👀所有同學都係local白人；突然有人拍 我膊頭問「你係唔係香港人?」
竟然係一位嚟自香港🇭🇰嘅BBC🧑🏻🦱，佢大我4年，係移英第三代，70年代阿爺果輩已經移居🇬🇧；Newcastle土生土長，Grammar School畢業後就去咗London讀UCL，大學畢業後就一路做一間大公司平步青雲，曾經有over £100k年薪。
後來，佢因為同一位空降上司爭執，就毅然離職，帶埋老婆仔女去台灣住咗4年。佢讀呢個course嘅主因，係想重新出發，利用之前嘅經驗同人脈，嘗試喺🇬🇧法律界闖出一番事業。
。
8️⃣科必修科，除咗每星期有兩堂要坐定定上堂之外，仲會有每兩星期一次分組seminar，每個seminar大約8至10人一組，根據課堂俾嘅功課，分組去商議💬答案。
好好彩我同BBC🧑🏻🦱分埋同一組，課堂上follow唔切嘅topic，我都會跟佢去圖書館對返D notes，或者返到屋企再WhatsApp討論；佢嘅出現激勵咗我要努力學習。
。
另外，因為seminar上堂人數少，一旦之前冇準備好而唔出聲或者冇問題問，就會好樣衰🫣，尤其成班就只有幾個唔係白人面孔。。
但好在BBC每次都好多問題問🙋🏻♂️，佢亦都係class representative，好多時我都會以佢為榜樣。
。
記得有次係考試前一星期，唔知點解成班同學仲約去pub飲酒傾計傾通宵。BBC同 新丁飲咗4-5 pint啤酒🍻之後，就搵咗個藉口9pm閃人。
兩個人wing住行去車站，BBC話返到屋企要繼續溫書📚，我心諗「你返到屋企先再算啦。。」
結果，新丁返到屋企沖完涼，BBC就已經WhatsApp同新丁講緊pass paper。果一刻，我懷疑呢個係咪練習定，第時落pub見完個客飲到貓曬，再爬返office做legal work。。😳
。
畢業之後，新丁同BBC🧑🏻🦱一直都有keep住聯繫。到咗上年年尾，佢仲成功被一間中型律師樓挖角，專項係Construction Dispute (建築工程糾紛)。不過，要成為佢嘅client，claim amount最少要有£50,000。
最近一次同佢傾計，新丁不經 意講咗句「我一直都視你為目標架!」，點知佢話「咁你嘅目標set得太低喇喎」😂