保護兒童會議。Child Protection Conference

是次係一個保護兒童會議Child Protection Conference ，係決定我地client嘅仔女，需要馬上離開寄養家庭俾政府機構照顧，定係可以繼續留起寄養家庭生活。

。

去到聽證會場地，除咗主席之外，仲有寄養父母， 三名社工，一名社工經理，學校head teacher， 寄養家庭法律代表等等，總共15人出席。而我地client係香港人 (即係兩名小朋友嘅親生父母)。

聽證會一開始嘅時候，氣氛好緊張。 起社工發言之前，主席仲特登提醒，有法律人員在場要小心講嘢。

不過我地有個好大嘅優勢，就係client要求只講廣東話。本來政府都有安排一個香港人做翻譯， 但因為佢對於兒童保護唔太熟悉，有D專業詞彙翻譯錯咗，開始咗15分鐘，主席就提出由新丁做翻譯，然後俾果位香港人翻譯離場。之後親生媽媽有任何發言，都係透過視像講廣東話，由新丁翻譯做英文同所有人講。

。

聽證會原本預計一小時， 但最後歷時3.5小時。去到中途，新丁已經知道贏面好大，因為主席起中場休息時，主動撩我地傾偈，反觀果幾位社工已經燶晒面。

聽證會結束後，主席要求所有參與會議嘅人員表決， 一致性通過咗對client好有利嘅裁決，新丁即時鬆咗一口氣。完場時大家都俾面講下好說話，多謝所有人參與丶協助同埋俾意見等等。

。

正當所有人諗住收工之際，視像另一邊突然傳來熟悉嘅廣東話。。

😡: 幫我同佢地每一個講，我要出律師信告佢地，話佢知我唔係好恰嘅。。

🧑‍💼: Is there anything your client would like to say?

👨‍💼: She would like to express her gratitude for everyone’s patience and she is pleased with the result.

#我滴汗大到一個點

#三個半鐘

#成個場無人識聽廣東話

#兩文三語既優勢