top of page
👨💼律師樓日常。點解會做刑事法?
今朝晨咁早又揸車落London開工。等緊師傅嘅時候，突然諗起上次開庭前嘅畫面。。
話說我、師傅、senior barrister、junior barrister同埋實習barrister喺court room出面吹水。大家唔係好熟，唔會咁戇居講天氣☁️打開話匣子，反而講起點解會入行做刑事法。
。
師傅就話，佢30年前做實習律師，一開波係做商業物業買賣。不過佢覺得太悶，qualify之後就離開咗實習間律師樓，誤打誤撞加入咗一間專做刑事法律嘅firm，遇到一個好導師，一做就做到而家。
師傅好鍾意同人吹水💬，無論係警察👮🏻♂️、檢控官、定係client，都好似有講唔完嘅話題。相反佢覺得坐冷氣房對住一堆文件真係好受苦。
。
另外個junior barrister就話，刑事法律比較有趣，可以知道唔同人嘅故事。每次佢同讀law嘅同學出嚟飲嘢🍺都會話「Drinks are on you, but I can tell you stories!」
眾所周知，刑事法係英國🇬🇧收入最低嘅一個範疇。
。
至於新丁，明明專門係Immigration Law，點解又會有興趣接觸埋刑事法律?
其中一個原因當然係遇到我師傅，亦因為之前接觸過好多Immigration case，部份有案底嘅client，都係當年誤信咗錯誤建議，冇好好利用抗辯機會，導致今時今日移民申請失敗❌。
買樓聽唔明英文，可以攞疊文件返去問AI🤖；但如果接受警方問話聽唔明，面對警方同律師都唔係講自己熟悉語言🗣️，其實會好慌張，萬一講錯嘢就影響一世。。所以新丁覺得Immigration同刑事法律其實係有好多連帶關係。
寫到呢度，開工時間又到了，做嘢先～😌
#刑事法律嚟講都仲係新丁
#當然我嘅專門仍然係ImmigrationLaw
bottom of page