Case Law 分享。一子錯，滿盤皆落索

🔸故事背景🔸

主角M先生🧔🏾‍♂️係玻利維亞人🇧🇴。2000年以旅客身份進入英國🇬🇧，及後轉為Student Visa。

Student Visa完結後，M先生喺英國 #逾期居留，直到2012年同英籍🇬🇧太太👱🏻‍♀️結婚，並順利喺2014年獲批 #配偶簽證Spouse Visa。

但由於M先生曾經逾期居留，唔符合配偶簽證基本要求，所以佢獲批嘅永居條件係10-year route，而唔係正常嘅5-year route；即係M先生需要續簽三次 (每次續簽2.5年)，最快可以喺2024年先儲夠10年申請永居英國。

佢喺2020年10月成功第二次續證，簽證到期日係2023年4月。

之後M先生喺2022年12月，第一次返玻利維亞🇧🇴(距離佢2000年離開家鄉抵達英國足足有22年)，並係一個月後2023年1月返到英國。但M先生竟然喺英國🇬🇧機場 #被拒入境，被拘留並 #遣返 返去玻利維亞😳。

。

🔹事情緣由🔹

M先生🧔🏾‍♂️同英籍太太👱🏻‍♀️雖然喺2012年結婚，但佢哋喺2022年4月因為關係有變而分居。法庭判決書冇提及佢哋有否離婚，亦都冇提及係咪有人向移民局舉報；但事實係 #移民局 喺2022年10月25日，向M先生發出信件➕電郵，決定將M 先生嘅配偶簽證注銷‼️

信件✉️提及，M先生需要喺同年12月24日(兩個月內)，轉換簽證繼續留喺英國，否則就要喺簽證到期前離開。所以，當M先生喺2023年1月再次入境英國就當場被拒。

。

🔸申請司法覆核原因🔸

M先生🧔🏾‍♂️聲稱自己從未收到有關信件或電郵，因此質疑移民局並無有效同合法通知佢，關於簽證被注銷。

如果M先生有收到電郵，因為當時佢已經喺英國連續居住超過22年，M先生其實可以申請「Further Leave to Remain (Private Life and Family Life)」，應該好大機會能夠透過呢個途徑成功申請簽證，繼續留喺英國。

。

🔹聆訊結果🔹

High Court判定M先生🧔🏾‍♂️敗訴。

雖然判決書冇寫佢嘅年齡，但假設佢今年係50歲，即係話佢26歲以旅客身份嚟英國讀書並生活，38歲同英籍伴侶結婚，原本最快可以係今年申請永居同入籍。

判決書亦冇提及M先生係英國嘅資產，但有講到佢一直嘅工作係Plumber。而家M先生被拒入境，等於佢需要返玻利維亞🇧🇴重新開始佢嘅生活。

。

新丁用四個截圖，分享返值得大家思考嘅觀點。

個人認為M先生🧔🏾‍♂️嘅遭遇非常不幸，難以想像佢喺英國渡過一半人生之後，仲要重新返去玻利維亞搵工同埋生活。