家庭成員離世⚰️

通常處理同類型個案，我唔會收取任何費用；眼見網上冇乜資料可以參考，希望喺度分享多少少。

。

1️⃣ 如果申請人持有Family Visa，一旦英籍🇬🇧伴侶離世，申請人係可以連同子女透過「Bereaved Partner Route」立刻申請Settlement。

💡要注意，呢條route僅限於Family Visa。

2️⃣ 如果係BNO Visa，離世伴侶是否主申請人，都唔會影響連續居住五年申請永居資格。

3️⃣ 至於其他簽證，例如工作簽證 (Tier 2 - Skilled Worker Visa)，或者企業家簽證 (Tier 1 - Entrepreneur Visa)，隨住主申請人離世，受養人配偶以及子女嘅簽證會被縮短 (Curtail) 至兩個月。

💡除非喺呢段時間內轉換簽證，否則就要離開英國。

4️⃣ 不幸發生以上情況，最好係拎到Death Certificate之後盡快通知Home Office (相關表格放喺comment)。

5️⃣ 有部份求助個案，離世伴侶都係一開始負責處理晒全家人簽證申請。面對家庭突變，可以想像到遺孀有幾徬徨。所以作為父母應該對自己及子女嘅簽證有基本認知，例如最重要嘅簽證到期日。

。

最後，如果各位讀者知道邊D機構有提供心理輔導/協助，都可以留言俾有需要嘅讀者參考🙏🏻