Refugee and Asylum Hotel

🤔到底咩係難民(Refugee)⁉️

🤔難民酒店又係咩(Asylum Hotel)⁉️

🤔點解有英國人要露宿街頭，但難民就可以住酒店⁉️

。

💬: 難民(Refugee)定義係咩?

👨‍💼: 根據聯合國公約，只要基於以下五個原因，其中一個受到原來居住國家迫害，或者人身威脅，任何人都有權利尋求其他國家庇護:

1️⃣ Race

2️⃣ Religion

3️⃣ Nationality

4️⃣ Political Opinion

5️⃣ Membership of a Particular Social Group

除咗香港人熟悉嘅政治疪護(4️⃣)，新丁亦有客人因為性取向，遭到原來回教國家迫害(5️⃣)，又或者國家內戰引發種族滅絕，導致該種族受到迫害(1️⃣)等等。

。

💬: 審批難民按咩準則?

👨‍💼: 首先，申請難民必須要先符合上述五個原因其中一個，其次要證明因為呢個原因而遭到原來國家迫害。

💡所以，如果申請人來自一個較發達國家，申請難民成功率就會較低。

例如過去20年，有超過100個來自台灣到英國申請庇護嘅難民，但冇一個能夠成功。原因係英國政府認為台灣係已發展國家，司法制度完善，唔會有國家迫害情況出現。

。

此外，難民審批亦會隨着原來國家嘅發展而改變。例如以前來自中國嘅難民，大部份能夠以法輪功作為理由成功申請，但近年已陸續遭到拒絕。

另一個例子，就係作為回教國家嘅馬來西亞，曾經有段時間，好多成功申請難民嘅馬來西亞人，都係以同性戀作為疪護理由。但隨着吉隆坡近年有同志遊行成功舉辦，就再難以證明同性戀者返到馬來西亞會遭受迫害。

。

💬: 點解Ibis、Holiday Inn、Ramada會有難民入住? 難民酒店(Asylum Hotel)係咩?

👨‍💼: 一般提出庇護申請之後，該名申請人都會被問及有冇親友喺英國能夠提供援助。如果佢唔能夠提供任何英國地址，又或者佢表示極度貧窮，有機會露宿街頭，通常就會被帶到難民酒店或者宿舍。

另外，新丁亦曾經有客人因為逾期居留，被移民局執法人員拘捕，送到移民遣返中心。該名客人提出庇護申請之後，順利獲得假釋(Bail)。但因為佢冇固定英國地址，移民局就安排佢入住難民酒店。

。

💬: 點解難民可以住酒店? 係咪對本地英國人唔公平?

👨‍💼: 其實移民局一般難以掌握難民嘅真實身份。難民唔會有時間執行李，帶齊護照再起行，尤其以非法途徑進入英國。當然呢個亦都係蛇頭慣用策略，新丁就唔詳述啦。

問題係，一個難民未被核實身份，又冇經濟能力，如果政府唔提供住宿，任由佢喺英國境內周圍走，有機會引起治安或者國家安全問題。因此，提供住宿可以限制難民活動範圍，以確認佢哋身處何地。

。

💬: 難民酒店環境係點? 係咪好食好住?

👨‍💼: 新丁冇親身去睇過，只係從客人口中得知。

難民酒店一般係四個人或者八個人一間房，環境相當一般。一日包三餐，難民可以自由進出酒店，但每次進出都需要喺門口登記，並規定每晚幾點前必須返回酒店。

另外，新丁有同事曾經收過緊急求助電話📲，來自一位15歲未成年非洲難民。當時佢正身處難民酒店，同其餘七個人同房；但佢提及房內環境非常惡劣，同房成人對佢充滿敵意，因此打電話要求緊急援助。

。

新丁仲記得一年半前去舊公司見工，其中一條筆試題目，就係寫一篇essay「闡述對橫渡英倫海峽的難民睇法」。估唔到一年半之後，呢個話題仍然冇冷卻過。

隨着以色列戰事擴大，中東戰爭一觸即發，可以遇見即將會有大量難民湧現。如果難民途經嘅國家，都採取互相推卸態度，似乎對於英國工黨新政府，又會係一個重大考驗。

。

🔻附圖係海上難民宿舍。Bibby Stockholm，現時停泊喺Dorset🔻

#Asylum

#AsylumHotel