英國🇬🇧機場跣親。成功索償4百萬英鎊💷

💡一個小小疏忽可能帶來幾大後果?

💡作為經營者要點樣保護自己同客人?

。

🔸案件背景🔸

2017年11月11日，A先生👨🏻‍🦰參加完英國🇬🇧商務會議，準備搭英國航空 (BA) 🛫 返Zurich。因為塞車，佢錯過咗第一班機，重新訂咗第二班。

到達機場後，A先生見仲有15分鐘先關閘，就衝去Starbucks買咖啡☕️。佢一手拎住四杯咖啡，一手拎住手提電話同公事包，加埋揹住行李袋。。就喺趕去登機閘途中，冇留意地下有人倒瀉咗Baileys🫗，結果跌倒仲撼親個頭🤕

事後佢話自己暈咗一兩分鐘，勉強登機返咗Zurich。返到去之後一直好頭暈，第二日睇醫生🩺話係腦震盪 (concussion)。A先生仲話因為呢次意外，導致佢經常頭痛、健忘同難以集中🤯，甚至影響佢做生意，最後佢公司要喺2018年5月清盤。

。

⚖️訴訟過程⚖️

A先生👨🏻‍🦰決定採取法律行動控告BA，佢嘅律師團隊爭取高達5百萬英鎊賠償💰💰💰，包括醫療費用、精神損失同埋生意上嘅損失。

BA亦請咗律師團隊辯護，話意外主因係A先生太心急，明知遲到仲要去買咖啡，應該由佢自己負責。

。

🔸法庭裁決🔸

法官👨🏼‍⚖️認為BA要負主要責任，BA職員見到地下有酒漬，應該要立即處理，例如用黃色警告帶圍住，但係佢哋並冇即時行動。不過，法官都認為A先生太心急，應該要負上部份責任。

最後法庭判決BA需要負80%責任，A先生要負20%責任 (contributory negligence)。即係話A先生最終可以攞到4百萬英鎊賠償 (折合港幣約3900萬) 💰💰💰

呢個判決震驚整個航空界同商界‼️

。

🔸法例依據🔸

呢單案例嘅判決主要基於英國🇬🇧 《1957年佔用人責任法》 (Occupiers' Liability Act 1957)。

💡 根據呢條法例規定，業主同佔用人都有責任（duty of care）確保訪客安全。如果因為疏忽而導致意外發生，佢哋就可能要負上法律責任面對賠償申索。

。

🔸案例啟示🔸

此案例對所有經營實體場所嘅生意人都好重要，特別係餐廳、咖啡店、外賣店同短租民宿（例如Airbnb）嘅經營者。除咗諗生意營運，仲要認真考慮點樣保障自己同客人安全。

以下係一啲「合理措施」嘅例子，可以幫助你減低風險:

1️⃣ 定期檢查場地，確保安全 (regular inspection)🔍並喺有潛在危險嘅地方設置警告標誌🚧

2️⃣ 適當培訓員工，即時處理任何可能引致意外嘅情況 (staff training)

3️⃣ 要保持走廊通道乾淨安全 (maintain safe premises)🧹

4️⃣ 最緊要係要買公眾責任保險 (public liability insurance)，以防不時之需

5️⃣ 一旦有意外發生，要即時做紀錄，影相存檔 (incident documentation) 📸

6️⃣ 要清楚自己嘅法律責任，有需要就搵專業人士諮詢 (legal consultation)

。

一個小小疏忽可能會帶來好大後果，希望大家可以引以為戒，好好保護自己生意同財產。

🔗新聞連結放喺留言

#業主責任

#公眾責任

#意外索償

#做生意要小心