🚴🏻單車友出沒注意⚠️。國會修例

最近英國國會審議緊一個法案修訂，由其中一位保守黨議員提出，要求踩單車者需要為道路上魯莽行為負責。簡單講，即係「危險駕駛單車版🚴🏻」如果修例通過，最高刑罰會係14年監禁。

修例緣由係2016年一單致命意外，受害者Kim Briggs喺East London被單車撞到後頭部受傷，最後傷重死亡。

然而，對於單車危險駕駛，英國並冇專門法例；就連法官都喺判決書建議國會，需要考慮就類似事件 #修例。

是次意外，由於被告Charlie Alliston「誤殺罪名不成立，」法官只可以引用一條156年前嘅法律:

「Offences Against the Person Act 1861 S.35」

💡Causing Bodily Harm by Wanton or Furious Driving💡

💡因胡亂駕駛導致身體傷害💡

最諷刺係，呢條法例原本係針對當年駕駛馬車嘅馬車夫，最高監禁刑期只係兩年。

最後Charlie被裁定罪名成立，被判刑18個月；按英國刑期一般都只係坐一半，另一半係保釋，七除八扣應該幾個月就走得。

。

所以，如果修例通過後變成14年監禁，其實即係將Dangerous Driving危險駕駛同Dangerous Cycling

危險踩單車睇齊。

當然，亦有人會覺得冇需要修例；就好似有位前奧運單車手，佢喺訪問裏面就認為現行法例已經有覆蓋相關行為。而且，佢覺得相比起危險踩單車，每年有更加多人俾牛殺死或者俾閃電電死。

。

新丁覺得，而家有好多新款單車🚲都配有電池，唔再係單靠人力用腳踩，所以行人路或者馬路上嘅單車，速度確實係越嚟越快。如果遇着有個「司機」亂咁嚟，其實係非常危險⚠️

唔知大家對於呢個修例點睇🤔?

#路權

#道路安全人人有責

#踩電動單車返工返學係新常態