🚫英國校園暴力問題

英國刑事法規定:

「10歲以上嫌疑人就會有刑事責任。」

簡單講，任何人10歲以上就會有機會被 #刑事檢控。

不過，新丁接到嘅個案，基本上警方都係息事寧人。而校方一般對欺凌事件都係冷處理，估計係同學校聲譽有關，以及需要同Council交代。

再者，警方好多時都會用Horseplay呢個原因，勸喻受害人父母放棄追討。

Horseplay，意思即係「比較粗暴嘅嬉戲，」著名Case Law有「Orchard v Lee [2009] EWCA Civ 295」兩名13歲學生起學校粗暴嬉戲，導致其中一名學生身體嚴重受傷，但上訴庭認為，呢個只係Horseplay，裁定嫌疑人唔需要附上任何責任，包括刑事同民事。

。

講到呢度，係咪即係話校園欺凌就可以不了了之，唔能夠追討?😳

答案絕對唔係‼️其實關鍵點在於校方‼️

如果欺凌事件發生地點係學校範圍，又或者係上課時間，校方職員其實有責任確保每一個學生嘅安全。因此，校方會因為失職而導致索賠 (Negligence Claim)。

香港就曾經發生過一單個案，受害人起學校遭受同學言語欺凌，欺凌者被處罰後重犯，校方一直都冷處理。最後，家長憑住一個信念，認為欺凌者應該為自己嘅行為負上責任，歷經四年時間，終於起高等法院討回公道，成功控告該名欺凌同學誹謗。

。

如果各位家長知道小朋友遇到類似情況，無論係被欺凌或欺凌者，都絕對唔應該當冇事發生，應該盡快尋求專業人士協助。一旦事件牽涉埋警方，就有機會影響將來永居入籍申請。

#校園欺凌嚴重影響小朋友身心健康

#如果佢係欺凌者

#就更加應該盡快處理

#避免悲劇發生

圖片: hket.com