top of page
📰英國新聞。Knife Crime
雖然奧運氣氛非常熾熱，但有留意英國新聞嘅讀者，就會發現呢幾日英國籠罩住悲傷情緒。
星期一喺英國西北小鎮Southport，發生咗一單襲擊事件，一名17歲男子持刀闖入一個兒童跳舞班，刺傷7個小童2個大人；其中3個女童，分別係6歲、7歲同9歲，已經喺是次事件中身亡。
一般冇特定目標嘅行兇，好多時都係發生喺大型活動，或者人多聚集嘅地方。又有邊個家長會諗到，將小朋友交託去暑期班學跳舞，竟然會成為行兇目標。
。
根據國會(House of Common) 數據，10年前英國Knife Crime每年數量大約係28,000宗，但依家已經攀升到📈每年超過50,000宗。
就喺呢單慘劇發生六日前，有另一個40歲男子，喺Kent軍營附近，俾一位完全唔相識嘅24歲男子持刀襲擊，現時仲係情況危殆。
。
新丁除咗希望各位傷者盡快康復，亦都想分享返幾個月前睇過嘅紀錄片，連結🔗就放喺留言。
紀錄片內容講述英國Knife Crime罪案率最高嘅地方。
新丁分享呢段片，並唔係想針對特定地區人士；反而只係好「佩服」一眾隔山買牛、租屋、買樓嘅人。。
每個地區，包括新丁住緊嘅Leicester，都總會有部分小區係龍蛇混集，良莠不齊，Crime Rate特別高。如果冇親身去過，就貿貿然喺該地方置業，甚至乎一家大細生活，只能夠講祝你好運。
🔻唔想標註某地區，建議大家可以睇晒成個紀錄片🔻
bottom of page