運動暴力 = 刑事罪行?
尋日Nottingham一場Ice Hockey冰上曲棍球比賽發生致命意外，有球員被對手溜冰鞋刀片割傷頸部，送院搶救後最終不治。
有網友PM新丁問，其實咁樣算唔算誤殺或者謀殺呢?
首先，謀殺係指「嫌疑人有意圖殺害死者，或者造成嚴重傷害，」但照報道所講，應該暫時係冇呢個意圖。
至於誤殺，簡單定義係「Unlawful killing of a human being under the queen’s peace」而今次意外，的確係因為球員嘅動作，導致對手受傷而死亡。
但係新丁回覆網友，認為誤殺都應該唔能夠成立。
。
根據「R v Barnes [2004] EWCA Crim 3246」B先生係一個業餘足球員。起一場球賽裏面，B先生用咗一個好暴力嘅攔截，令對方球員腳部嚴重受傷。起球賽之後，B先生被拘捕，被控以「S.20 of OAPA (Offences Against the Person Act) 1861」襲擊造成嚴重傷害，即係俗稱嘅GBH (Grevious Bodily Harm)，有機會面對五年監禁。
但起上訴庭 (Court of Appeal)，法官推翻原審裁決，裁定當事人無罪。根據法官Lord Woolf CJ 解釋，其實參與一個運動，就等同於「默認同意該運動所有合理身體接觸，」除非球員行為「大幅地超越合理性，並構成刑事檢控考慮，」否則「法庭係唔應該介入正常運動嘅身體接觸。」
加上公共政策原因，一方面必須避免球員害怕刑事檢控，而起運動中有所保留。 另一方面又要避免有人藉住運動之名，冇理由地對他人構成傷害。
。
套用返去是次慘劇，死者參與冰上曲棍球比賽，其實已經默認接受此運動所帶嚟嘅潛在風險，同埋身體接觸。所以，只要嫌疑人嘅動作，並沒有大幅超越該運動嘅合理性，理論上法庭或者刑事法係唔會介入事件。
#RIP
#類似慘劇以前都發生過
#冰球
#奪命意外