英國都市傳說。白色屋頂⚪️

今日應該係呢個禮拜最凍嘅一日🥶，揸車返office途中，見到路面、草地同屋頂都係白茫茫一片，就諗起一個都市傳說。

話說幾年前新丁喺Newcastle讀書果陣，同班有個BBC同學都係mature student。佢同新丁講過話，每逢白雪紛飛嘅日子，英國警察👮🏻‍♂️就會出動直升機🚁去唔同地方巡航。如果發現邊間屋個頂唔係白色，又冇積雪，警察就會mark低嗰間屋，因為好大機會係種緊大麻。

💡原來種大麻適合嘅溫度係20-25度，凍過20度就會生長減慢。所以如果邊間屋種緊大麻，一定要成日開暖氣，keep住個室溫狀態。

換句話講，當成條街D屋頂都係白雪雪，淨係得一間無雪，就好容易辨認出嚟🔍。

。

無獨有偶，前幾日Northumbria Police👮🏻‍♂️喺Newcastle South Shield破獲一個倉庫，裏面種咗2,000棵大麻，市值大約£2 million，唔通就係用呢一招破案🧐?