洗黑錢💷💷其實好易中🚨

相信大家都喺香港人/華人fb group見過類似嘅po「英鎊換X幣，我在英國給你英鎊，你在[國家]給我[貨幣]，匯率按xx計算 (有優惠)，單筆交易要求超過£1,000，可以在市中心面洽 (怕你以為是詐騙)」。

🤔呢類交易模式真係比找換店更抵更方便?

🤔定係背後隱藏咗更大嘅風險?

🤔貪少少方便，會唔會反而令自己陷入法網? 💭

。

🗞️相關新聞

倫敦東區最近破獲一個超大規模華人地下錢莊集團，洗黑錢金額高達5,500萬英鎊💷😮 呢個集團主要幫國際犯罪組織洗錢，仲專門針對留學生，提供「類似找換店形式」嘅匯兌服務。

事件最後有七名涉案人被落案起訴，判刑由11個月到12年不等。

1️⃣ 集團服務對象以留學生為主。因為有部份國家實行外匯管制，要轉錢出國好麻煩；想轉生活費比英國留學嘅仔女，境外父母就透過呢類服務私下匯兌。

2️⃣ 另一方面，有部份喺英國做生意嘅餐廳老闆，都喜歡收現金以減低稅務。透過呢類私下匯兌，就可以神不知鬼不覺將收入存返去海外戶口。

3️⃣ 呢類服務亦會透過網上宣傳，用螞蟻搬家形式，分批透過大量小額現金兌匯。

。

👨🏼‍⚖️法律真係咁嚴格?

好多人仲以為唔知情就冇事。但係英國嘅「Proceeds of Crime Act 2002」話你知: 唔知唔係藉口‼️

就算你真係唔知道自己幫人洗緊黑錢🤯⁉️

只要法庭認為你「應該要知道」(Ought to Have Known)都會被定罪‼️

而且，跟據POCA，Acquisition(獲得)、Use(使用) 同埋Possesion(持有) 都可以入罪。

切記唔好心存僥倖，以為「我唔知呀」就冇事🤷🏻

。

⚖️後果嚴重

洗黑錢嘅刑罰，係根據洗錢金額嚟判刑，而唔係你所獲得幾多「佣金」或者利益。

好多年前，新丁就有聽聞過「佣金」大概係15-20%；但係呢單案件入面就只係得1.5-2%。。

就算你只係賺得少少錢，一旦被捕，判刑都會好重‼️

喺呢單案入面，最重就判咗12年監禁。

為咗咁小嘅利益鋌而走險，最終只會得不償失😵

。

新丁曾經分享過一個case law🔗

主角就係被定罪非法處理贓款，需要同移民局爭拗，究竟個定罪係發生喺申請入籍之前定係之後。

所以新丁奉勸一句，尤其係有Immigration Restriction嘅朋友，任何踩鋼線行為都要三思而後行。

#MoneyLaundering

#ProceedsOfCrime