任何時候都應該No Comment🤐?

大部份刑事案件，警察👮🏻‍♂️到場之後都會將相關人士帶返警署協助調查。喺英國🇬🇧，所有人都可以喺警署要求免費法律意見，以及要求有翻譯在場先會接受盤問。

以前睇戲見過，接受警察盤問，係可以行使「緘默權」- 對所有問題一概回答「無可奉告🤐No Comment!」；因為被盤問人士，係無責任協助警方查案。而呢種情況下，警察都會record返係「No Comment Interview」。

💡根據「Police and Criminal Evidence Act 1984 (PACE) S.82」，任何文字或手勢，說話對象係警察甚至朋友，只要該段對話部份或全部對發言人不利，都可以成為法庭接納嘅招認 (Confession)。

。

新丁最近就幫老細跟緊幾個Criminal Case，大部份client講返警署當值律師 (Duty Solicitor) 都會叫佢地保持緘默🤫，避免講多錯多，提供咗對自己不利證據。

咁係咪代表任何時候，都應該行駛「緘默權」- 對任何問題一概唔回應? 以下有兩個虛構例子，同法律完全冇關係，純粹俾大家容易理解。

。

完全虛構例子1️⃣

A先生有婚外情，佢同第三者幽會嘅時候，俾A太太喺酒店附近斷正；聰明嘅A先生對太太任何提問都唔回應🫢。之後A先生充分利用時間搜集證據，包括搵埋幾個老友證明佢當日喺附近打籃球，搞到身水身汗之後要見客，所以先開間酒店房沖涼🚿。

及後，A太太連同父母三司會審A先生嘅時候，佢甚至提供埋附近買籃球嘅receipt，以及老友做人證。 當日佢「保持緘默」就避免咗之後有自相矛盾嘅情況。

。

完全虛構例子2️⃣

A先生去酒店見客傾生意，A太太誤會佢同第三者幽會，就走去捉住A先生。A先生對太太所有問題一概唔回應，保持緘默🤐，A太太當然係怒火中燒🔥；過咗幾日，直接搵埋父母三司會審A先生。呢個時候，A先生知道事態嚴重，即刻講返當日去酒店只係為咗見客。但外父外母以及各位讀者都會問「有證據你又唔早講?」😒

。

「有證據你又唔早講?」英國🇬🇧法律上就係「Adverse Inference」，即係一D重要證據或者解釋，當事人冇第一時間提出；例如警察👮🏻‍♂️盤問嘅時候保持緘默，去到法庭聆訊先至全盤托出，就會引起法官或者陪審團質疑當事人嘅誠信以及證據嘅可靠性。

當然，檢控方唔可以單憑「Adverse Inference」定罪， 但如果有其他證據，例如環境證供 (Circumstantial Evidence)，就會對當事人好不利。

。

究竟係應該講定係唔應該講? 呢個絕對係當事人嘅選擇。咁如果唔想講錯嘢，但又唔想引致「Adverse Inference」可以點做?

當事人其實可以要求紙筆，自己寫一份written statement📝，解釋返當時情況，然後拒絕回答任何問題。不過當然，如果statement內容有自相矛盾嘅地方，警察一樣可以透過「PACE S.82」利用statement作為證據指證。

#CriminalLaw

#刑事案件

#緘默權

#NoComment