第1️⃣問💬

嚟緊7月31號，就係BNO簽證推出2年半。有關BNO嘅各種數據，大家又知道幾多呢?

新丁對於數據非常着迷，尤其統計學。咁啱上個月Home Office出咗所有簽證嘅申請數據，網上留言滿天飛💬💬所以新丁希望一連🔟集，同各位讀者一齊探討下。(歡迎大家留言鼓勵下新丁🙂)

。

成日聽人講，BNO簽證係英國政府履行對香港人嘅責任🇬🇧🇭🇰

🤔究竟BNO推出以來，HomeOffice收到幾多申請?

💬網上有人講幾萬，有人講40萬，有人講14萬個家庭。。。

💡正確數字係 - 截至2023年3月31日，英國境外申請 人數為142,623人。呢個數字已經包括咗主申請人同埋受養人，所以14萬絕對係人頭數。

❌數據冇包括英國境內申請BNO簽證❌

。

🤔BNO申請人趨勢向下?

💬BNO簽證當初推出，英國政府估計頭五年會有30萬人申請。。。

💡其實過咗兩年，BNO申請人有14萬，驟眼睇落5年後應該可以到達30萬。但係睇返 (圖一)，好明顯申請人有大幅下降嘅趨勢📉依家基本上每一季度只有一萬人申請。如果下降趨勢持續，到咗2025年尾，申請總人數可能只係得20萬上下。

。

🤔究竟BNO簽證申請人中，有幾多國籍係香港🇭🇰？

💬話明係BNO簽證，乜唔係全部都係香港架咩。。。

💡睇返 (圖二) 同 (圖三)，個數字都幾有趣。原來BNO簽證申請人中，只有60%係香港國籍，39%係中國國籍。呢個應該唔係申請人填錯咗中國國籍，好可能佢係用中國護照去申請 (根據香港入境條例，香港居民需要起香港連續住滿七年或以上，先至可以申請特區護照。

仲有另一個解釋，可能移民局將所有持有特區護照申請人，都當成中國國籍。

‼️但如果有政客利用呢個統計報告，攻擊BNO政策引入咗大量中國國籍嘅人，都有可能會導致BNO簽證截龍，情況就好似台灣咁‼️

而且，根據最新資料 (圖二)，國籍為香港嘅申請人，佔比由2021年嘅63%下降至2023年Q1嘅53%。相反國籍為中國嘅申請人，佔比由36%上升至46%，似乎呢個趨勢仲會一路持續。

。

【 🗯️BNO Visa快爆十問。下集預告】

🧐究竟BNO Visa仲批咗俾咩國籍嘅人⁉️ 🇯🇵。🇬🇭。🇳🇵

希望大家💬➕👍🏻鼓勵下新丁🙂