第9️⃣問💬

🔸申請ADR常見問題

「Adult Dependent Relative」ADR申請，係新丁經常收到嘅查詢，今次就歸納咗部分常見問題，同有需要嘅朋友仔分享🙂

。

💬: ADR身份係指?

👨‍💼: 主申請人(BNO status holder)或者主申請人伴侶(Dependent Partner)嘅父母、祖父母、18歲或以上嘅兄弟姊妹。

💬: 申請ADR嘅「依賴性要求」包括?

👨‍💼: 要完全符合以下要求👇🏻

因為1️⃣年齡、2️⃣疾病、3️⃣殘障，

而需要🅰️長期個人照顧，🅱️以完成日常事務。

1️⃣年齡

Home Office對於年齡冇統一劃線，新丁曾經見過80歲喪偶父親被拒簽。但邏輯上，年齡越高，就越能夠證明🅰️同🅱️。

2️⃣疾病

普通老人長期病，例如三高，比較難證明🅰️同🅱️。但如果需要長期醫療照顧、複診或食藥，或曾經出現過緊急情況，例如中風，就比較容易證明🅰️同🅱️。另外，受認可嘅精神或情緒病，都係疾病之一。

3️⃣殘障

如果因為行動不便，都會比較容易證明🅰️同🅱️。

💡申請人可以有齊1️⃣2️⃣3️⃣，或者其中一項，但最重要係確立1️⃣2️⃣3️⃣同🅰️🅱️嘅因果關係。

💡如果純粹只講1️⃣2️⃣3️⃣，例如證明申請人有疾病2️⃣，但冇確立到同🅰️🅱️嘅關係，都係唔符合資格❌

。

💬: 點樣證明「通常與BNO主申請人同住」?

👨‍💼: 同住嘅意思，並唔係提交相同地址嘅銀行月結單就可以。提交嘅證據要足夠證明同主申請人有(i)規律性(Regular) 同 (ii)習慣性(Habitual)嘅生活模式。

💬: 已經提交咗家用同醫療費用單據，咁樣夠未呢?

👨‍💼: 簡單講，主申請人係要證明「如果佢本人 (BNO Status Holder) 或配偶 (Spouse) 去咗英國🇬🇧，就算提供咗財務或實質上支持，留喺香港🇭🇰嘅ADR都唔能夠得到相應照顧」。

💡如果主申請人只係證明每個月有俾家用，或者負責醫療費用，並唔足夠。

💬: 我已經提供曬所有相關證據，點解仍然被拒簽?

👨‍💼: 首先，大部份Immigration Law，採用嘅法律原則係「On the Balance of Probability」，即係「可能性權衡」。舉證責任落喺申請人一方，申請人有責任提交相關證據以滿足要求。

。

另外，新丁曾經分享過，主動提供Supporting Evidence嘅重要性👇🏻

💡如果申請人冇提供足夠證據同闡述，移民局係「冇需要」俾機會申請人提交新證據，就可以直接拒簽。

希望大家💬➕👍🏻鼓勵下新丁🙂